Ọjọ́ Kẹrìndínlógún (16), Ọjọ́ Àìkú , Oṣù ́Kíní , Ọdún 2022

 

Rírìn Nípa ti Ẹ̀mí (2)

 

Nitoripe didi atunbi kìíse ohun tó n ṣẹlẹ lóde, inú ló ti n ṣẹlẹ. Ọpọlọpọ máa n rò wipe kí ènìyàn di atunbi tumosi wípé kí àwon àtúnṣe tó farahàn fún gbogbo ayé wà lóde. Kò rí bẹ́ẹ̀. Ìgbà míràn, awọn ṣe kí a rí mi àti àgabagebe ni ọpọlọpọ awọn ènìyàn. Wọn lè farahàn bí ìgbà wipe onigbagbọ ni awọn ní tòótọ lóde ṣugbọn wọn kò tíì di atunbi ní tòótọ.

 

Níbo ni ìgbàlà tí n ṣẹlẹ sí ènìyàn?

 

ROMU 10:9-10 

[9]Pe, bi iwọ ba fi ẹnu rẹ jẹwọ Jesu li Oluwa, ti iwọ si gbagbọ́ li ọkàn rẹ pe, Ọlọrun jí i dide kuro ninu okú, a o gbà ọ là.

[10]Nitori ọkàn li a fi igbagbọ́ si ododo; ẹnu li a si fi ijẹwọ si igbala.

 

Ọkan ni a fí n gbagbọ. Nitorina o ṣeeṣe daradara kí ènìyàn tí gbagbọ ṣugbọn kí a má mọ dájúdájú nítorípé àwọn ìwà àti ìṣesí rẹ kò tí fí ara jọ ti onigbagbo. Kí ló máa n fa èyí? Njẹ a lè sọ wipe ìwa ẹni bẹẹ fihàn wípe kò ní ojúlówó ìgbàlà ni. Njẹ a lè sọ wípé bóyá ayederu ìhìnrere ni irú ẹni bẹẹ gbọ ni?

 

O ṣeeṣe fún onigbagbọ láti rìn nípa ti ara nítorípé àwọn iṣẹ ẹsẹ jẹ iṣẹ tí ara.

 

GALATIA 5:19-21 

[19]Njẹ awọn iṣẹ ti ara farahàn, ti iṣe wọnyi; panṣaga, àgbere, ìwa-ẽri, wọ̀bia,

[20]Ibọriṣa, oṣó, irira, ìja, ilara, ibinu, asọ, ìṣọtẹ, adamọ̀,

[21]Arankàn, ipania, imutipara, iréde-oru, ati iru wọnni: awọn ohun ti mo nwi fun nyin tẹlẹ, gẹgẹ bi mo ti wi fun nyin tẹlẹ rí pe, awọn ti nṣe nkan bawọnni kì yio jogún ijọba Ọlọrun.

 

Awọn iṣẹ tí ara ni Bíbélì pé àwọn nkan wọnyi. Kìíse wípé irú ẹni bẹẹ kò tíì di atunbi ṣugbọn irú ẹni bẹẹ kò tíì ní àwọn iṣẹ tí ara sílẹ.

 

E jẹ kí a ṣe àgbéyẹ̀wò ohun tí Bíbélì sọ gẹgẹ bí imọran fún wa láti kọ iṣẹ tí ara sílẹ gẹgẹ bí onigbagbọ.

 

ROMU 12:2 

[2]Ki ẹ má si da ara nyin pọ̀ mọ́ aiye yi: ṣugbọn ki ẹ parada lati di titun ni iro-inu nyin, ki ẹnyin ki o le ri idi ifẹ Ọlọrun, ti o dara, ti o si ṣe itẹwọgbà, ti o si pé.

Láti má darapọ mọ ayé yìí, awọn ohun tí a gbọdọ ṣe ní láti máa paradà.  Báwo ni onigbagbọ ṣe lè máa paradà? Bíbélì, nínú ẹsẹ tí a ṣẹṣẹ tọkasi yìí, dá wa lohùn.

“ki ẹ parada lati di titun ni iro-inu nyin”

 

Báwo ni ènìyàn ṣe lè paradà láti èrò inú rẹ? Ìrònú wa, gẹgẹ bí ènìyàn niiṣe pẹlu awọn ohun tí a bá fetí sí, tàbí ohun tí a bá n kà tàbí rí layika wa. Ìdí èyí ni onigbagbọ ṣe gbọdọ yí ará rẹ ká pẹlú ọrọ Ọlọrun.