Idanileko Bibeli

Ọjọ́ Kẹjọ (8), Ọjọ́ Ìsẹ́gun , Oṣù Kejì , Ọdún 2022   Kí Ló N Ṣe Fún Ọlọrun? (4)   Ansọrọ nípa riran awọn iransẹ Ọlọrun lọwọ. Nínú iṣẹ iransẹ Jésù, awọn kan wà tí wọn máa n ṣe iranlọwọ fún Oluwa wa. LUKU 8:1-3  [1]O si ṣe lẹhinna, ti o nlà gbogbo ilu ati iletò lọ, o nwasu, o nrò ìhin ayọ̀ ijọba Ọlọrun: awọn mejila si mbẹ lọdọ rẹ̀. [2]Ati awọn obinrin kan, ti a ti mu larada kuro lọwọ awọn ẹmi buburu, ati ninu ailera wọn, Maria ti a npè ni Magdalene, lara ẹniti ẹmi èṣu meje ti jade kuro, [3]Ati Joanna aya Kusa ti iṣe iriju Herodu, ati Susanna, ati awọn pipọ miran, ti nwọn nṣe iranṣẹ fun u ninu ohun ini wọn. Bíbélì sọ fún wa nínú àbala tí a tọkasi yìí wipe awọn obinrin yìí máa n ṣe iransẹ fún Kristi lára ohun ìní wọn. Èyí n sọ fún wa wípé o lè jẹ owó, tàbí láti inú dukiya wọn ni wọn ti máa n ṣe atilẹyin fún Kristi. Njẹ a mọ wipe ẹnikẹni tó bá ṣe atilẹyin fún àwọn iransẹ Ọlọrun pẹlu ìgbàgbọ ki yóò pàdánù èrè rẹ? Ìdí rẹ ni wipe awọn tí a n ti lẹhin yìí n ṣe ohun gbogbo tí wọn ṣe lórúko Kristi ni. MATIU 10:42  [42]Ẹnikẹni ti o ba fi kìki ago omi tutù fun ọkan ninu awọn onirẹlẹ wọnyi mu nitori orukọ ọmọ-ẹhin, lõtọ ni mo wi fun nyin, kì o padanù ère rẹ̀. Awọn tó n ṣe ibi fún àwọn iransẹ Ọlọrun náà, Njẹ a mọ wipe Kristi ni wọn n ṣee sí? Ìgbà kan wà tó jẹ wípé Pọọlù Aposteli wà lára àwọn tó n ṣe inúnibíni sí àwọn onígbàgbọ nínú Kristi. ÌṢE ÀWỌN APOSTELI 7:58  [58]Nwọn si wọ́ ọ sẹhin ode ilu, nwọn sọ ọ lí okuta: awọn ẹlẹri si fi aṣọ wọn lelẹ li ẹsẹ ọmọkunrin kan ti a npè ni Saulu. Ṣugbọn nígbà tó bá Jésù pàdé ẹ gbọ ohun tí Jésù sọ fún. ÌṢE ÀWỌN APOSTELI 9:5  [5]O si wipe, Iwọ tani, Oluwa? Oluwa si wipe, Emi Jesu ni, ẹniti iwọ nṣe inunibini si: ohun irora ni fun ọ lati tapá si ẹgún. Jésù sọ fún Pọọlù wipe òun ni ẹni tí Pọọlù n ṣe inúnibíni sí, ṣugbọn iyalẹnu ni èyí jẹ nítorípé Pọọlù kò bá Jésù pàdé nípa ti ara rí. Báwo wá ní Pọọlù ṣe ṣe inúnibíni sí Jésù? Àlàyé rẹ ni wipe ohunkóhun tí a bá ṣe sí àwọn iransẹ Ọlọrun, ojú tí Jésù fi n wòó ni wípé òun gan ni a ṣe nkán náà sí. Nitorinà ohunkóhun tí a bá fún wọn láti ràn wọn lọwọ nínú iṣẹ ìhìnrere tàbí láti lò fún ara wọn, Jésù máa fojú wòó bí ìgbà wípé òun gán ni a fún ní nkan náà. Awọn ijọ Ọlọrun tó wà ní Filippi náà ṣe irú atilẹyin yi fún Pọọlù. FILIPI 4:14,16  [14]Ṣugbọn ẹnyin ṣeun gidigidi niti pe ẹnyin ṣe alabapin ninu ipọnju mi. [16]Nitori ni Tessalonika gidi, ẹnyin ranṣẹ, […]

Ọjọ́ Keje(7), Ọjọ́ Ajé , Oṣù Kejì , Ọdún 2022   Kí Ló N Ṣe Fún Ọlọrun? (3)   Oríṣiríṣi idojukọ ló wà nínú iṣẹ iransẹ gẹgẹ bí a ṣe n ṣe amenuba rẹ láti ọjọ méjì sẹhin. Jésù sọ nípa èyí wipe tí ènìyàn bá n wàásù ìhìnrere, bí ẹni tí a rán lọ sí àárín kọlọkọlọ ni. JOHANU 16:33  [33]Nkan wọnyi ni mo ti sọ fun nyin tẹlẹ̀, ki ẹnyin ki o le ni alafia ninu mi. Ninu aiye, ẹnyin o ni ipọnju; ṣugbọn ẹ tújuka; mo ti ṣẹgun aiye. Nítorípé orisirisi ipọnju ìdánwò àti inúnibíni ló wà nínú iṣẹ iransẹ, ìrètí Ọlọrun ni wípé àwa onigbagbọ yóòku yóò máa ṣe iranlọwọ tàbí atilẹyin fún àwọn iransẹ Ọlọrun. Ẹ jẹ kí a ṣe ayẹwo diẹ nínú àwọn idojukọ awọn iransẹ Ọlọrun. KỌRINTI KEJI 11:23-27 [23]Iranṣẹ Kristi ni nwọn bi? (emi nsọ bi aṣiwère) mo ta wọn yọ; niti lãlã lọpọlọpọ, niti paṣan mo rekọja, niti tubu nigbakugba, niti ikú nigbapupọ. [24]Nigba marun ni mo gbà paṣan ogoji dín kan lọwọ awọn Ju. [25]Nigba mẹta li a fi ọgọ lù mi, ẹkanṣoṣo li a sọ mi li okuta, ẹ̃mẹta li ọkọ̀ rì mi, ọsán kan ati oru kan ni mo wà ninu ibú. [26]Ni ìrin àjò nigbakugba, ninu ewu omi, ninu ewu awọn ọlọṣa, ninu ewu awọn ara ilu mi, ninu ewu awọn keferi, ninu ewu ni ilu, ninu ewu li aginjù, ninu ewu loju okun, ninu ewu larin awọn eke arakunrin; [27]Ninu lãlã ati irora, ninu iṣọra nigbakugba, ninu ebi ati orùngbẹ, ninu àwẹ nigbakugba, ninu otutù ati ìhoho. Gbogbo awọn nkan tí Pọọlù dárúkọ nínú ibi kíkà yìí Kiise ohun tó dùn moni rárá. Nítorí náà àwọn iransẹ Ọlọrun nilo aduroti gidigidi. Ẹlòmíràn máa n wá àwáwi wípé àwon iransẹ Ọlọrun lóde òní kò dojukọ awọn nkan tí Pọọlù sọ nínú àbala tí a kà yìí. Kìíṣe wípé kò sí inúnibíni mọ sugbọn ọna tí inúnibíni máa gbà wá àti irú ipọnju tí àwọn iransẹ Ọlọrun n dojukọ lóde òní ló yatọ. Nítorinaa wọn sì nilo aduroti wa bíi ti ti tẹlẹ. Èyí ṣẹlẹ sí Mósè gẹgẹ bí òwe. ẸKISODU 17:11-12  [11]O si ṣe, nigbati Mose ba gbé ọwọ́ rẹ̀ soke, Israeli a bori: nigbati o ba si rẹ̀ ọwọ́ rẹ̀ silẹ, Amaleki a bori. [12]Ṣugbọn ọwọ́ kún Mose; nwọn si mú okuta kan, nwọn si fi si abẹ rẹ̀, o si joko lé e; Aaroni ati Huri si mu u li ọwọ́ ró, ọkan li apa kini, ekeji li apa keji; ọwọ́ rẹ̀ si duro gan titi o fi di ìwọ-õrùn. Njẹ a rí pátaki iranlọwọ ninu ẹsẹ tí a kà yìí. Ìgbà míràn iranlọwọ niiṣe pẹlu kí a fún wọn ní àwọn ohun tí wọn nilo nípa ti ara.

Ọjọ́ Kẹfà (6), Ọjọ́ Àìkú , Oṣù Kejì , Ọdún 2022   Kí Ló N Ṣe Fún Ọlọrun? (2)   Ní àná, a ni sọ fún wa wípé nípa ádùrá, a lè ran iṣẹ Ọlọrun lọwọ. Njẹ a mọ wipe, ádùrá yí ní ọpọlọpọ ìgbà jẹ ádùrá fún àwọn iransẹ Ọlọrun. Ní akọkọ oríṣiríṣi idojukọ ló wà nínú iṣẹ iransẹ, orisirisi ìdánwò náà ló wà níbẹ. Nígbàtí Jésù mọ wipe Pétérù yóò dojukọ ìdánwò, ohun tí Jésù ṣe náà ni wípé Jésù gbàdúrà fún Pétérù kí ìdánwò náà má bàá borí Pétérù nítorípé ọna ti Pétérù fi lè ní okun láti dúró ṣinṣin ninu ifẹ Ọlọrun nìyẹn. LUKU 22:31-32  [31]Oluwa si wipe, Simoni, Simoni, sawõ, Satani fẹ lati ni ọ, ki o le kù ọ bi alikama: [32]Ṣugbọn mo ti gbadura fun ọ, ki igbagbọ́ rẹ ki o má yẹ̀; ati iwọ nigbati iwọ ba si yipada, mu awọn arakunrin rẹ li ọkàn le. Nítori ádùrá Jésù ni Pétérù ṣe ronupiwada nígbà tó ṣẹ Jésù. Nitorinà ádùrá onigbagbọ n ṣiṣe gidigidi. Tí a bá gbagbọ wípé lootọ ni ádùrá wa n ṣiṣẹ a kò ní dakẹ ádùrá. JAKỌBU 5:16  [16]Ẹ jẹwọ ẹ̀ṣẹ nyin fun ara nyin, ki ẹ si mã gbadura fun ara nyin, ki a le mu nyin larada. Iṣẹ ti adura olododo nṣe li agbara pupọ. Ádùrá onigbagbọ n ṣiṣe agbára. Ádùrá lè gba awọn onigbagbọ tabi iransẹ ọlọrun tó wà nínú ìdánwò tàbí ìṣòro sílẹ nínú ewu náà. Awọn onigbagbọ pejopo láti gbàdúrà fún Pétérù, ọlọrun si tu silẹ. ÌṢE ÀWỌN APOSTELI 12:12  [12]Nigbati o si rò o, o lọ si ile Maria iya Johanu, ti apele rẹ̀ jẹ Marku; nibiti awọn enia pipọ pejọ si, ti nwọn ngbadura. Pọọlù mọ ipa tí ádùrá onigbagbọ n ko nínú iṣẹ iransẹ, èyí ni ìdí tó fi máa n béèrè ádùrá lọwọ àwọn onígbàgbọ yòókù. EFESU 6:18-19  [18]Pẹlu gbogbo adura ati ẹbẹ ni ki ẹ mã gbadura nigbagbogbo ninu Ẹmí, ki […]

Ọjọ́ Kàrún (5), Ọjọ́ Àbámẹ́ta, Oṣù Kejì , Ọdún 2022   Kí Ló N Ṣe Fún Ọlọrun? (1)   Ní ọpọlọpọ ìgbà ohun tó bá n ṣe pàtàkì fún ènìyàn jù ló máa n jẹyọ nínú adura rẹ. Tí a bá fẹ mọ onigbagbọ tó n dagbasoke si nínú òye Kristi àti nínú oore ọfẹ rẹ nínú ádùrá wọn ni a o fi mọ. Tí a bá sakiyesi daradara, a o ri wipe awọn ohun tí a nilo lọdọ Ọlọrun kọ ló ṣe pàtàkì jùlọ nínú ádùrá awọn Aposteli Kristi. Lootọ Ọlọrun ṣe ìlérí láti fún wa ní ohunkóhun tí a bá béèrè lọwọ rẹ. Kódà Jésù gan gbà wá níyànjú láti bèèrè ohun tí a fẹ yóò sì ṣeé fún wa. JOHANU 16:24  [24]Titi di isisiyi ẹ kò ti ibère ohunkohun li orukọ mi: ẹ bère, ẹ o si ri gbà, ki ayọ̀ nyin ki o le kún. Jésù sọ fún wa kí a kan ilẹkùn bẹẹ náà ni òun yóò si silẹ fún wa. MATIU 7:7  [7]Bère, a o si fifun nyin; wá kiri, ẹnyin o si ri; kànkun, a o si ṣí I silẹ fun nyin. Nitorinà Kiise wipe a kò fẹ kí a béèrè ohunkóhun tí a bá nilo ninu ádùrá. Ṣugbọn tó bá jẹ wípé gbogbo kókó ádùrá wa dá lórí gbogbo nkan tó niiṣe pẹlu àlàáfíà awa àti àti mọlebi wa nikan, a jẹ wípé a kò tíì duro ṣinṣin nínú ìfẹ Ọlọrun nìyẹn. Awọn nkan wà nínú ádùrá tó máa n fihan wipe isẹ Ọlọrun ṣe pàtàkì fún àwa náà. Ìbéèrè pàtàkì tó yẹ kí a bi ara wa leere ni wípé “Nje bí iṣẹ Ọlọrun yóò máa gbòòrò si jẹ wa lógún nínú ádùrá”, Njẹ a tilẹ ti gba Aawẹ ati ádùrá fún itẹsiwaju iṣẹ Ọlọrun àti kí ìwàásù ìhìnrere Kristi lè gbòòrò sí? Ẹ jẹ kí a ṣe ayẹwo diẹ nínú àwọn ohun tó jẹyọ nínú adura awọn ọmọlẹyìn Jésù nítorí àwa náà ni ọmọlẹyìn rẹ lóde òní. ÌṢE ÀWỌN APOSTELI 4:29-30  [29]Njẹ nisisiyi, Oluwa, kiyesi ikilọ wọn: ki o si fifun awọn ọmọ-ọdọ rẹ lati mã fi igboiya gbogbo sọ ọ̀rọ rẹ. [30]Ki iwọ si fi ninà ọwọ́ rẹ ṣe dida ara, ati ki iṣẹ àmi ati iṣẹ iyanu ki o mã ṣe li orukọ Jesu Ọmọ mimọ́ rẹ. Wọn fẹ kí Ọlọrun na ọwọ agbára kí a lè yin Jésù logo láàrin àwọn ènìyàn àti kí ìwàásù ọrọ rẹ lè gbòòrò sí. Bẹẹ náà ni Pọọlù Àpọsítélì wí nínú ìwé rẹ sí àwọn ará Róòmù. […]

Ọjọ́ Kẹrin (4), Ọjọ́ Ẹtì , Oṣù Kejì , Ọdún 2022   Iwa-bi-olorun Nipasẹ Kristi (7)   Ohun tó máa n fa kí àwọn ènìyàn máa ro wipe ìlànà Kristi sòrò ni wípé wọn kii  ro ara wọn gẹgẹ bi ẹni tó ti di ẹdá títún. Njẹ a mọ wipe Jésù kò lè sọ wipe kí a ṣe ohun tí a kò ní agbára láti ṣe? Nínú àtúnbí, a ti di ẹdá títún. Kini eyi tumosi? O túmọ̀sí wípé a ti gba iseda ọtun. Nínú ìhùwàsí ni iseda ti máa n farahàn. Ìdí tí ajá fi n gbó kìíṣe wipe o kan déédé ronú wípé nkan tó rẹwa ni láti máa gbó, Kiise bẹẹ ṣugbọn nítorípé o wà nínú iseda gbogbo ajá ni láti máa gbó. Nitorinà iseda ni ìpìlẹ ìhùwàsí. Ọpọ àwọn ènìyàn ni wón fẹ máa n yípadà nípa ìhùwàsí ṣugbọn ohun tí wọn kò mọ ni wípé Kiise ìhùwàsí wọn gan ni ìṣòro bí kò ṣe iseda wọn. Èyí jẹyọ nínú Episteli sí àwọn ará Efesu. EFESU 2:3  [3]Ninu awọn ẹniti gbogbo wa pẹlu ti wà rí ninu ifẹkufẹ ara wa, a nmu ifẹ ara ati ti inu ṣẹ; ati nipa ẹda awa si ti jẹ ọmọ ibinu, gẹgẹ bi awọn iyoku pẹlu. Njẹ a rí ohun tó fa tí wọn fi jẹ ọmọ ibinnu? Nítorí iseda wọn ni. Nítorípé ẹlẹsẹ ni awọn tó bí wa, nitorinà, ibẹ ni a ti rí iseda ẹsẹ. Ìdí rẹ ni Jésù ṣe sọ wipe a gbọdọ tún wa bí? Òbí eniyan ló n fún ènìyàn ní iseda ènìyàn. Ọmọ tí ẹkùn bá bí, ẹkùn ní yóò kọ. JOHANU 3:3  [3]Jesu dahùn o si wi fun u pe, Lõtọ, lõtọ ni mo wi fun ọ, Bikoṣepe a tún enia bí, on kò le ri ijọba Ọlọrun. Báwo ni èyí ṣe n ṣẹlẹ? Nínú ibí títún, a nilo òbí gẹgẹ bí a ti nilo òbí nípa ti ara nígbà tí a bí wa nípa ti ara. Ni wayii, nínú ibí ti èmi ni a nilo òbí nípa ti èmi náà. Ẹ gbọ ohun tó niiṣe pẹlu ibí wa nípa ti èmi. JAKỌBU 1:18  [18]Nipa ifẹ ara rẹ̀ li o fi ọ̀rọ otitọ bí wa, ki awa ki o le jẹ bi akọso awọn ẹda rẹ̀. Ọlọrun fi ọrọ otitọ rẹ bí wa. A fi irú/irúgbìn Ọlọrun bí wa PETERU KINNI 1:23  [23]Bi a ti tun nyin bi, kì iṣe lati inu irú ti idibajẹ wá, bikoṣe eyiti ki idibajẹ, nipa ọ̀rọ Ọlọrun ti mbẹ lãye ti o si duro. Èyí ni wípé Ọlọrun ni bàbá wa nínú Atunb nìyẹn, nípa èyí ni a […]

Ọjọ́ Kẹta (3), Ọjọ́bọ̀ , Oṣù Kejì , Ọdún 2022   Iwa-bi-olorun Nipasẹ Kristi (6)   Òfin Mósè sọ nípa ìfẹ sí ọmọnikeji bẹẹ náà ni Jésù náà sọ nípa rẹ ṣugbọn iyatọ wà láàrin méjèèjì. Mósè sọ fún wa kí a fẹ ọmọnikeji wa gẹgẹ bí ara wa. LEFITIKU 19:18  [18]Iwọ kò gbọdọ gbẹsan, bẹ̃ni ki o máṣe ṣe ikùnsinu si awọn ọmọ enia rẹ, ṣugbọn ki iwọ ki o fẹ́ ẹnikeji rẹ bi ara rẹ: Emi li OLUWA. Ṣugbọn Kiise labẹ òfin Mósè ni a wa, nítorinaa kíni Jésù sọ nípa irú ìlànà tí Mósè fi silẹ nípa ìfẹ sí ọmọnikeji wa yìí? JOHANU 13:34-35  [34]Ofin titun kan ni mo fifun nyin, Ki ẹnyin ki o fẹ ọmọnikeji nyin; gẹgẹ bi emi ti fẹran nyin, ki ẹnyin ki o si le fẹran ọmọnikeji nyin. [35]Nipa eyi ni gbogbo enia yio fi mọ̀ pe, ọmọ-ẹhin mi li ẹnyin iṣe, nigbati ẹnyin ba ni ifẹ si ọmọnikeji nyin. Mósè sọ wipe kí a fẹ ọmọnikeji gẹgẹbi ara wa, Jésù sọ wípé kí a fẹ ọmọnikeji gẹgẹbi òun ti fẹ wa. Èyí n sọ wipe kò ṣeéṣe láti rìn nínú ìfẹ gẹgẹ bí Jésù ti kọ wa àyàfi tí a bá fi Jésù ṣe awokọṣe. Nínú òfin Mósè ṣe funmi kí èmi náà ṣe fún ọ ni ṣugbọn labẹ ìlànà Kristi Kiise bẹẹ. Labẹ ìlànà Kristi, ìfẹ niiṣe pẹlu ifẹ sí gbogbo ènìyàn pátápátá àti àwọn tí kò fẹràn wa náà. Jòhánù ninu Episteli rẹ sọ wipe eyi wà lára ohun tí a fi n mọ onigbagbo nínú Kristi. JOHANU KINNI 4:8  [8]Ẹniti kò ba ni ifẹ kò mọ̀ Ọlọrun: nitoripe ifẹ ni Ọlọrun. Ọrọ nlá ni èyí jẹ nítorípé ohun tí Jòhánù n sọ ni wípé bí a ṣe lè mọ wipe ènìyàn mọ Ọlọrun ni wípé ẹni náà n rìn nínú ìfẹ. Èyí ni wípé tí onigbagbo kò bá rìn nínú ìfẹ kò sí bí a ṣe fẹ mọ wipe onigbagbo ni ẹni náà. Ọlọrun tí fún wa ní agbára láti ṣe èyí nítorípé a ti sọ wa di ẹda títún nínú Kristi. A ti gba iseda ọtun ti yóò ran wa lọwọ láti rìn nínú ìlànà Kristi labẹ Majẹmu titun, nitorinaa Kiise ẹrù wíwo. JOHANU KINNI 5:3  [3]Nitori eyi ni ifẹ Ọlọrun, pe ki awa ki o pa ofin rẹ̀ mọ́: ofin rẹ̀ kò si nira. Iseda ọtun yìí ni oore ọfẹ tí a nilo lati ṣe ìlànà Kristi. Nitorinaa, ádùrá wa Kiise wipe Ọlọrun fún mi ni oore ọfẹ láti ṣe nkan wọnyii. Ní iwọn ìgbà ti a ti di onígbàgbọ, Kristi ti fún wa ní oore ọfẹ yìí. A ti rí oore ọfẹ gbà nínú ìràpadà tó wà nínú Kristi. JEREMAYA […]

Ọjọ́ Kejì (2), Ọjọ́rú , Oṣù Kejì , Ọdún 2022   Iwa-bi-olorun Nipasẹ Kristi (5)   Nínú ìtàn tí a mọ sí ìtàn ọmọ oninakuna, Jésù ṣe àpẹẹrẹ bí ìfẹ Ọlọrun ti rí. Jésù jẹ kí a mọ wipe Ọlọrun ṣetan láti d’áríjì ju bí àwa gan ṣe ṣetan láti gba Idariji ẹsẹ lọ. Ààyè kò gba wa láti tókasí gbogbo ẹsẹ tó niiṣe pẹlú ìtàn náà sugbọn ohun tí a fẹ fa yọ níbẹ ni wípé nígbàtí ọmọ náà na Gbogbo ohun ini rẹ tan tó sì padà wá sile, baba ọmọ náà gan ló lọ súré pàdé rẹ Kiise ọmọ náà ló súré. LUKU 15:17-20  [17]Ṣugbọn nigbati oju rẹ̀ walẹ, o ni, Awọn alagbaṣe baba mi melomelo li o ni onjẹ ajẹyó, ati ajẹtì, emi si nkú fun ebi nihin. [18]Emi o dide, emi o si tọ̀ baba mi lọ, emi o si wi fun u pe, Baba, emi ti dẹṣẹ si ọrun, ati niwaju rẹ; [19]Emi kò si yẹ, li ẹniti a ba ma pè li ọmọ rẹ mọ́; fi mi ṣe bi ọkan ninu awọn alagbaṣe rẹ. [20]O si dide, o si tọ̀ baba rẹ̀ lọ. Ṣugbọn nigbati o si wà li òkere, baba rẹ̀ ri I, ãnu ṣe e, o si sure, o rọ̀mọ́ ọ li ọrùn, o si fi ẹnu kò o li ẹnu. Ohun tí a n pé àkíyèsí wa sí láti àná ni wípé bí Ọlọrun ṣe máa n darí ẹsẹ ji ènìyàn àti bí o ṣe yẹ kí èyí jẹ àpẹẹrẹ fún àwa náà bí a ṣe n d’áríjì ọmọnikeji. Ìgbà míràn wà tí a máa n ro wipe ohun tí àwọn ènìyàn kan tàbí òmíràn ṣe fún wa ti pọ jù ohun tó yẹ kí a d’áríjì lọ. Njẹ a rántí wípé kò sí ohunkóhun tí Jésù kọ̀ jalẹ láti d’áríjì wa. O darí gbogbo aiṣedede wa ji wà nínú Idariji ẹsẹ tó fihàn fún wa ni. ORIN DAFIDI 103:3  [3]Ẹniti o dari gbogbo ẹ̀ṣẹ rẹ jì; ẹniti o si tan gbogbo àrun rẹ, Nítorinaa gbogbo aiṣedede ni Jésù d’áríjì wa o sì yẹ kí awa naa ṣe bẹẹ. Ìbéèrè kan tí ẹnìkan béèrè lori ẹkọ yìí ni wípé tí ẹnìkan bá fi ipá ní Ibalopọ pẹlu omodebinrin wa, njẹ o yẹ kí a d’áríjì irú ẹni bẹẹ? Gẹgẹ bí Kristẹni, kò sí ẹsẹ tí kò yẹ kí a d’áríjì awọn ẹlomiran ṣugbọn a gbọdọ jẹ ọlọgbọn, a kò gbọdọ fi ọmọ náà tàbí ẹlòmíràn sínú ipò tí yóò jẹ kí irú àwọn nkan bẹẹ máa ṣẹlẹ sí wọn mọ nítorípé ohun tó burú ni. Ìdí tí a fi n d’áríjì Kiise wipe nkan náà kò dùn wá ṣugbọn nítorípé Ọlọrun darí ẹsẹ wa náà ji wá. Njẹ a mọ wipe lootọ ẹsẹ wa pọ ṣugbọn Ọlọrun fẹ wa gẹgẹ bó ṣe fẹ Kristi náà ni. JOHANU 17:23  [23]Emi ninu wọn, ati iwọ ninu mi, ki […]

Ọjọ́ ́Kíní (1), Ọjọ́ Ìsẹ́gun, Oṣù Kejì , Ọdún 2022   Iwa-bi-olorun Nipasẹ Kristi (4)   Ní iwọn ìgbà ti a ti mọ wipe nínú Kristi ni iwa-bi-olorun n gbé. Èyí túmò sí wipe bí Kristi ṣe n d’áríjì ni Olorun ṣe n d’áríjì. Báwo ni Kristi ṣe n d’áríjì? Tí a bá mọ èyí, àwa náà gẹgẹbi Kristiani yóò mọ bí a ṣe n d’áríjì ọmọnikeji nítorípé ojúṣe wa Kiise kí a d’áríjì ọmọnikeji wa nikan ṣugbọn kí a d’áríjì gẹgẹ bí Kristi ṣe n d’áríji ọmọnikeji. EFESU 4:32  [32]Ẹ mã ṣore fun ọmọnikeji nyin, ẹ ni iyọ́nu, ẹ mã darijì ara nyin, gẹgẹ bi Ọlọrun ninu Kristi ti darijì nyin. Nitorinà Kristi ni àpẹẹrẹ fún wa nínú Idariji ọmọnikeji. Ní akọkọ ẹni tí kò bá mọ nípa oore Ọlọrun tó fihàn fún wa nípa wipe o darí Gbogbo ẹsẹ wa ji wa kò ní mọ bó ṣe yẹ kí òun náà ṣe na ọwọ aanu kan náà sí ọmọnikeji tàbí alabagbe rẹ. Wipe a d’áríjì ọmọnikeji wa kò tó gẹgẹ bí a ti sọ, Idariji náà gbọdọ bá irú èyí tí àwa náà rí gbà lọdọọ Ọlọrun nipasẹ Jésù Kristi mu. Olúwa kò bá wa lo gẹgẹ bí ẹsẹ wa ṣe pọ tó. ORIN DAFIDI 130:3  [3]Oluwa, ibaṣepe iwọ a mã sami ẹ̀ṣẹ, Oluwa, tani iba duro? Ìgbà míràn tún wà tó jẹ wípé a máa n ro wipe kí a tó lè na ọwọ ìfẹ sí elòmíràn, ẹni náà gbọdọ mọ wipe nkan tó ṣe sí wa kò dára. Ìgbà míràn tún wà tó jẹ wípé a máa n ro wipe àwa náà yóò nawọ ìfẹ sí àwọn tó na ọwọ ìfẹ sí wa. Kò yẹ kó rí bẹẹ nítorípé ọgbọn ènìyàn nìyẹn Kiise ọrọ Ọlọrun. Kristẹni ni a jẹ nítorinaa ọrọ Ọlọrun ló ṣe pàtàkì fún wa ju ohun gbogbo lọ. JOHANU KINNI 4:10  [10]Ninu eyi ni ifẹ wà, kì iṣe pe awa fẹ Ọlọrun, ṣugbọn on fẹ wa, o si rán Ọmọ rẹ̀ lati jẹ ètutu fun ẹ̀ṣẹ wa. Jésù gan sọ fún wa wípé ojúṣe wa Kiise wipe awọn tó bá fẹ wa nikan ni a gbọdọ fẹ LUKU 6:32-33  [32]Njẹ bi ẹnyin ba fẹ awọn ti o fẹ nyin, ọpẹ́ kili ẹnyin ni? Awọn ẹlẹṣẹ pẹlu nfẹ́ awọn ti o fẹ wọn. [33]Bi ẹnyin si ṣore fun awọn ti o ṣore fun nyin, ọpẹ́ kili ẹnyin ni? Awọn ẹlẹṣẹ pẹlu nṣe bẹ̃ gẹgẹ. Kristi kò dúró dé wipe kí àwa náà fẹ kó tó fẹ wa, yálà ìgbàtí a jẹ ẹlẹsẹ sibẹ ni Jésù ti fẹ wa. ROMU 5:6-8  [6]Nitori igbati awa jẹ alailera, li akokò ti o yẹ, Kristi kú fun awa alaiwa-bi-Ọlọrun. [7]Nitori o ṣọ̀wọn ki ẹnikan ki o to kú fun olododo: ṣugbọn fun enia rere boya ẹlomiran tilẹ le dába ati kú. [8]Ṣugbọn Ọlọrun fi ifẹ On papa si wa hàn ni eyi pe, nigbati awa jẹ ẹlẹṣẹ, Kristi kú fun wa. Nígbà tí a kò naani ìfẹ Ọlọrun sí wa ni Ọlọrun ti fi ìfẹ rẹ hàn sí wa. Nitorinà ojúṣe wa ni kí àwa náà fi irú ìfẹ yìí hàn sí ọmọnikeji wa.

Ọjọ́ Kọkanlélọ́gbọ̀n (31), Ọjọ́ Ajé , Oṣù ́Kíní , Ọdún 2022   Iwa-bi-olorun Nipasẹ Kristi (3)   Nínú Episteli sí àwọn ará Kolose, a gbà wá níyànjú wípé kí ọrọ Kristi máa gbé inú wa. Bí Onígbàgbọ́ ṣe lè rìn gẹgẹ bí ìfẹ Ọlọrun nìyẹn. A kò lè mú ìfẹ Ọlọrun ṣẹ àyàfi tí ọrọ rẹ bá n gbé inú wa. Nígbà tí ọrọ bá n gbé inú wa ni a kò ní rí àwọn ìlànà Ọlọrun gẹgẹ bí ẹrú wíwo ṣugbọn gẹgẹ bí iseda wa. MATIU 11:28-30  [28]Ẹ wá sọdọ mi gbogbo ẹnyin ti nṣiṣẹ́, ti a si di ẹrù wuwo le lori, emi o si fi isimi fun nyin. [29]Ẹ gbà àjaga mi si ọrùn nyin, ki ẹ si mã kọ́ ẹkọ́ lọdọ mi; nitori oninu tutu ati onirẹlẹ ọkan li emi; ẹnyin o si ri isimi fun ọkàn nyin. [30]Nitori àjaga mi rọrun, ẹrù mi si fuyẹ. Awọn ojúṣe wa gẹgẹbi Kristiani jẹ àjàgà ní tòótọ ṣugbọn kìíṣe ohun tó yẹ kó sòrò nítorípé Jésù sọ wípé ẹrú náà fuyẹ. Ọnà tí ẹrú náà fi lè fuyẹ fún wa ní tòótọ ni wípé kí ọrọ rẹ máa gbé inú wa. Ìyẹn ni wípé kí àṣàrò nínú ọrọ Ọlọrun di baraku fún wa, kí a lọ rẹ ara wa sínú ọrọ Ọlọrun. KOLOSE 3:16  [16]Ẹ jẹ ki ọ̀rọ Kristi mã gbé inu nyin li ọ̀pọlọpọ ninu ọgbọ́n gbogbo; ki ẹ mã kọ́, ki ẹ si mã gbà ara nyin niyanju ninu psalmu, ati orin iyìn, ati orin ẹmí, ẹ mã fi ore-ọfẹ kọrin li ọkàn nyin si Oluwa. Ọrọ tí a kò bá tẹti sí kò le máa gbé inú wa rárá. Bí ọrọ Ọlọrun ṣe n gbé inú wa ni wipe kí a máa fetí sí ọrọ náà, kí a máa kaa kí a sì máa ṣe àṣàrò nínú ohun tí a bá n kà. Bí ènìyàn ṣe n dà bi Kristi ni èyí. ÌWÉ ÒWE 4:20-22  [20]Ọmọ mi, fetisi ọ̀rọ mi; dẹti rẹ silẹ si ọ̀rọ mi. [21]Máṣe jẹ ki nwọn ki o lọ kuro li oju rẹ; pa wọn mọ́ li ãrin aiya rẹ. [22]Nitori ìye ni nwọn iṣe fun awọn ti o wá wọn ri, ati imularada si gbogbo ẹran-ara wọn. Tí a bá ṣakiyesi, gbogbo awọn tó ti bá Ọlọrun rìn, nipasẹ ṣíṣe àṣàrò nínú ọrọ rẹ ni. Mósè nígbà tó n sọ asiri àṣeyọrí nínú ibaṣepọ pẹlu Ọlọrun fún Jóṣúà, o sọ fún wipe nípa àkíyèsí ọrọ Ọlọrun ni. JOṢUA 1:8  [8]Iwé ofin yi kò gbọdọ kuro li ẹnu rẹ, ṣugbọn iwọ o ma ṣe àṣaro ninu rẹ̀ li ọsán ati li oru, ki iwọ ki o le kiyesi ati ṣe gẹgẹ bi gbogbo eyiti a kọ sinu rẹ̀: nitori nigbana ni iwọ o ṣe ọ̀na rẹ ni rere, nigbana ni yio si dara fun ọ. Tí a bá wo inú ayé Jésù Olúwa gan funrararẹ, a o ri wipe bí òun náà ṣe borí ìdánwò nìyẹn. Tí a bá ṣe àkíyèsí, […]

Ọjọ́ Ọgbọ̀n (30), Ọjọ́ Àìkú , Oṣù ́Kíní , Ọdún 2022   Iwa-bi-olorun Nipasẹ Kristi (2)   Nínú ìwé Hébérù àti Episteli sí àwọn ará Kolose, a rí àwọn gbólóhùn tó sọ fún wa wípé ẹnikẹni tó bá ti ṣe alabapade Jésù ti bá Ọlọrun pàdé. HEBERU 1:3,7,14  [3]Ẹniti iṣe itanṣan ogo rẹ̀, ati aworan on tikararẹ, ti o si nfi ọ̀rọ agbara rẹ̀ mu ohun gbogbo duro, lẹhin ti o ti ṣe ìwẹnu ẹ̀ṣẹ, o joko li ọwọ́ ọtún Ọlánla li oke; [7]Ati niti awọn angẹli, o wipe, Ẹniti o dá awọn angẹli rẹ̀ li ẹmí, ati awọn iranṣẹ rẹ̀ li ọwọ́ iná. [14]Ẹmí ti njiṣẹ ki gbogbo wọn iṣe, ti a nran lọ lati mã jọsin nitori awọn ti yio jogun igbala? KOLOSE 1:15,19  [15]Ẹniti iṣe aworan Ọlọrun ti a kò ri, akọbi gbogbo ẹda: [19]Nitori didun inu Baba ni pe ki ẹkún gbogbo le mã gbé inu rẹ̀; Jésù ni àwòrán Ọlọrun ti a kò rí. Kíni ìtumọ èyí. Èkíní o túmọ̀sí wípé Gbogbo ohunkóhun tí a bá ti ṣakiyesi nínú iṣẹ iransẹ àti ìhùwàsí Ọlọrun jẹ iseda Ọlọrun nítorípé Jésù jẹ Ọlọrun nínú ara. Jésù jẹ ẹni tó ṣe ìfẹ Ọlọrun ní gbogbo ìgbà, èyí túmò sí wipe gbogbo ohun tí Jésù ṣe Kiise wipe kò ní abawọn nìkan ṣùgbọ́n o jẹ ohun tí Ọlọrun n ṣe. Ìdí èyí ló fi jẹ wípé tí ẹnikẹni bá ti rí ohun ti Jésù n ṣe, o ti rí ohun tí Ọlọrun n ṣe nìyẹn. Ẹ gbọ ohun tí Jésù n sọ nípa iṣẹ rẹ láàrin àwọn ènìyàn. JOHANU 8:29  [29]Ẹniti o rán mi si mbẹ pẹlu mi: kò jọwọ emi nikan si; nitoriti emi nṣe ohun ti o wù u nigbagbogbo. Iṣẹ Jésù láàrin àwọn ènìyàn jẹ iṣẹ Ọlọrun. Ìdí èyí ló fi ṣe iyalẹnu fún nigbati awọn kan ti rí iṣẹ ìyanu rẹ àti igbesiaye rẹ wọn sì tún n sọ fún wipe kó fi bàbá han awọn. JOHANU 14:8-10  [8]Filippi wi fun u pe, Oluwa, fi Baba na hàn wa, o si to fun wa. [9]Jesu wi fun u pe, Bi akokò ti mo ba nyin gbé ti pẹ to yi, iwọ kò si ti imọ̀ mi sibẹ̀ Filippi? ẹniti o ba ti ri mi, o ti ri Baba; iwọ ha ti ṣe wipe, Fi Baba hàn wa? […]