Idanileko Bibeli

Ọjọ́ Kejìdínlógún (18), Ọjọ́ Ẹtì , Oṣù Kejì , Ọdún 2022   Lilo Ẹbùn Èmi Mimọ (7)   Ìbí tó ti yẹ kí ènìyàn ṣọra lọpọlọpọ ni wípé o ṣeéṣe kí agbára Ọlọrun máa farahàn ṣugbọn kí ìfẹ Ọlọrun má jẹyọ níbẹ, bẹẹ ni. Nígbàtí orugbẹ n gbẹ awọn ọmọ Israẹli, ohun tí wọn kà sí iṣẹ ìyanu ni kí omi farahàn. Ẹnikẹni tí orugbẹ n gbẹ, omi nìkan ni iṣẹ ìyanu tó lè yé irú ènìyàn bẹẹ. Bẹẹ ló rí fún àwọn ọmọ Israẹli nínú aginjù nítorípé orugbẹ n gbẹ wọn gidigidi wọn sì ke sí Mósè. Nítorinaa tí ìpèsè omi mímu bá ti wa, awọn ti gbagbọ wípé ìfẹ Ọlọrun ti farahàn nìyẹn. NỌMBA 20:9-13  [9]Mose si mú ọpá na lati iwaju OLUWA lọ, bi o ti fun u li aṣẹ. [10]Mose ati Aaroni si pe ijọ awọn enia jọ niwaju apata na, o si wi fun wọn pe, Ẹnyin gbọ̀ nisisiyi, ẹnyin ọlọtẹ; ki awa ki o ha mú omi lati inu apata yi fun nyin wá bi? [11]Mose si gbé ọwọ́ rẹ̀ soke, o si fi ọpá rẹ̀ lù apata na lẹ̃meji: omi si tú jade li ọ̀pọlọpọ, ijọ awọn enia si mu, ati ẹran wọn pẹlu. [12]OLUWA si sọ fun Mose ati fun Aaroni pe, Nitoriti ẹnyin kò gbà mi gbọ́, lati yà mi simimọ́ loju awọn ọmọ Israeli, nitorina ẹnyin ki yio mú ijọ awọn enia yi lọ si ilẹ na ti mo fi fun wọn. [13]Wọnyi li omi Meriba; nitoriti awọn ọmọ Israeli bá OLUWA sọ̀, o si di ẹni ìya-simimọ́ ninu wọn. Kìíṣe ìbínú ló fàá tí Mósè kò wọ ilẹ ìlérí ṣugbọn nítorípé kò dúró ṣinṣin nínú ìfẹ Ọlọrun. Gbogbo ohun tí Mósè àti àwọn wòlíì yòókù n sọ nígbà náà niiṣe pẹlu ìgbàlà tó wà nínú Kristi ti yóò wáyé. Nítorinaa, àpáta tí Mósè fi ọpa lu náà ṣe àpẹẹrẹ Kristi. KỌRINTI KINNI 10:4  [4]Ti gbogbo wọn si mu ohun mimu ẹmí kanna: nitoripe nwọn nmu ninu Apata ẹmí ti ntọ̀ wọn lẹhin: Kristi si li Apata na. Nitorinà bí Mósè ti lu àpáta náà n ṣàpèjúwe bí a o ti na Kristi fún aiṣedede wa tí kò omi ìyè yóò sì jáde nipasẹ eyi fún gbogbo ènìyàn. JOHANU 4:14  [14]Ṣugbọn ẹnikẹni ti o ba mu ninu omi ti emi o fifun u, orùngbẹ kì yio gbẹ ẹ mọ́ lai; ṣugbọn omi ti emi o fifun u yio di kanga omi ninu rẹ̀, ti yio ma sun si ìye ainipẹkun. Nitorinà lílu tí Mósè lu àpáta náà n ṣàpèjúwe bí Jésù yóò ṣe kú tí àwa yóò sì ní ìyè nipa ikú àti àjínde rẹ. Báwo ni Mósè ṣe tapa sí ìpinnu Ọlọrun nínú èyí? HEBERU 10:14  […]

Ọjọ́ Kẹtàdínlógún (17), Ọjọ́bọ̀ , Oṣù Kejì , Ọdún 2022   Lilo Ẹbùn Èmi Mimọ (6)   Ẹnikẹni ti Ọlọrun bá n lo gbọdọ ní ìwà ìrẹlẹ láti mọ wipe Kiise wipe òun já mọ nkan kan pàtó ju awọn yòókù lọ. Ìgbà míràn wà tí ọpọlọpọ òjíṣẹ Ọlọrun máa n ro wipe bóyá awọn ṣe pàtàkì jù awọn ẹlomiran lọ ni Ọlọrun ṣe n lo awọn ju awọn míràn lọ. Kiise bẹẹ. A o ṣe ayẹwo awọn tí Ọlọrun lo nínú Bíbélì lónìí kí a lè mọ wipe oore ọfẹ nlá gbàá ni tí Ọlọrun bá n lo wá. Ọlọrun lè lo ohunkóhun láti jẹ iṣẹ tó ní lọkàn fún àwọn ènìyàn. Jésù jẹ kí a mọ wipe Kiise ẹni tí a n lo ló ṣe pàtàkì bikòṣe ẹni tó n lo ẹni náà, èyí tíí se Ọlọrun. LUKU 19:40  [40]O si da wọn lohùn, o wi fun wọn pe, Mo wi fun nyin, Bi awọn wọnyi ba pa ẹnu wọn mọ́, awọn okuta yio kigbe soke. Nínú Majẹmu Lailai náà, a rí bí ṣe bá Balaki náà wí nípasẹ̀ Kẹtẹkẹtẹ. NỌMBA 22:26-28  [26]Angeli OLUWA si tun sun siwaju, o si tun duro ni ibi tõro kan, nibiti àye kò sí lati yà si ọwọ́ ọtún tabi si òsi. [27]Nigbati kẹtẹkẹtẹ na si ri angeli OLUWA, o wólẹ̀ labẹ Balaamu: ibinu Balaamu si rú pupọ̀, o si fi ọpá lu kẹtẹkẹtẹ na. [28]OLUWA si là kẹtẹkẹtẹ na li ohùn, o si wi fun Balaamu pe, Kini mo fi ṣe ọ, ti iwọ fi lù mi ni ìgba mẹta yi? Nígbàtí Jésù Olúwa gan yóò kú, alaigbagbọ wà lára àwọn tó sọtẹlẹ nípa bí ikú rẹ yóò ti jẹ fún ìgbàlà gbogbo ènìyàn. JOHANU 11:49-50  [49]Ṣugbọn Kaiafa, ọkan ninu wọn, ẹniti iṣe olori alufa li ọdún na, o wi fun wọn pe, Ẹnyin kò mọ̀ ohunkohun rara. [50]Bẹ̃ni ẹ kò si ronu pe, o ṣànfani fun wa, ki enia kan kú fun awọn enia, ki gbogbo orilẹ-ède ki o má bà ṣegbé. Nitorinà tí a bá ní èyí lọkàn ní gbogbo ìgbà, yóò yé wa wipe […]

Ọjọ́ Kẹrìndínlógún (16), Ọjọ́rú , Oṣù Kejì , Ọdún 2022   Lilo Ẹbùn Èmi Mimọ (5)   Ní ọjọ méjì sẹhin, a n sọ nípa èrè tó wà nínú ifarahan Èmi Mimọ tàbí ohun tí a n pe ní ẹbùn Èmi Mimọ.. A ti ṣàlàyé nípa èrè tí Ọlọrun retí ninu ifarahan agbára Ọlọrun níwájú àwọn alaigbagbọ. Tí onigbagbọ náà bá pejopo awọn ẹbùn Èmi Mimọ náà máa n jẹyọ. Awọn Ẹbùn Èmi Mimọ tó niiṣe pẹlu ohùn fifọ ló máa n sábà jẹyọ jù láàrin àwọn ọmọ Ọlọrun. Ìgbà míràn wà tó jẹ wípé a máa n fẹ kí àwọn ẹbùn èmi tó niiṣe pẹlu ifarahan agbára nlá jẹyọ nínú ìjọ wa tàbí tí a bá pejopo. Nitori awọn ẹbùn tó niiṣe pẹlu agbára yìí jẹ ohun tó niiṣe pẹlu ijere ọkan, ní ọpọlọpọ ìgbà, awọn ẹbùn tó niiṣe pẹlu ohùn fifọ ló máa n farahàn nítorípé àwa ti di onígbàgbọ. Nítorípé a ti di onígbàgbọ, a kò nilo awọn nkán tó jẹ aramonda kí a tó lè dagbasoke nínú ìgbàgbọ nítorípé idi ti a fi n pe wá ní onigbagbọ nìyẹn. Ìsòrí ẹbùn mẹta ló wà  tí a bá wo ẹkọ nípa ẹbùn Èmi tí Pọọlù ṣe. KỌRINTI KINNI 12:4-5,8-10  [4]Njẹ onirũru ẹ̀bun li o wà, ṣugbọn Ẹmí kanna ni. [5]Onirũru iṣẹ-iranṣẹ li ó si wà, Oluwa kanna si ni. [8]Nitoriti a fi ọ̀rọ ọgbọ́n fun ẹnikan nipa Ẹmí; ati fun ẹlomiran ọ̀rọ-ìmọ nipa Ẹmí kanna; [9]Ati fun ẹlomiran igbagbọ́ nipa Ẹmí kanna; ati fun ẹlomiran ẹ̀bun imularada nipa Ẹmí kanna; [10]Ati fun ẹlomiran iṣẹ iyanu iṣe; ati fun ẹlomiran isọtẹlẹ; ati fun ẹlomiran ìmọ ẹmí yatọ; ati fun ẹlomiran onirũru ède; ati fun ẹlomiran itumọ̀ ède: Ìsòrí Kínní ni awọn ẹbùn tó niiṣe pẹlu iran rírí ỌrọÌmọ ỌrọỌgbọn MimọÈmí yàtọ Awọn Ẹbùn Agbára ẸbùnÌgbàgbọ tàbí Ìgboyà ẸbùnÌwòsàn ẸbùnSise Iṣẹ Ìyanu Awọn Ẹbùn Ohùn Fífọ ẸbùnÀsọtẹlẹ Onírúurú Èdè ṢíṣeÌtumọ Ifedefo Awọn ẹbùn tó niiṣe pẹlu iṣẹ iransẹ wa sí àwọn onígbàgbọ ẹlẹgbẹ wa ni ọpọlọpọ ìgbà ni awọn ẹbùn ohùn fifọ. Ìbùkún tàbí anfaani tó wà nínú àwọn ẹbùn ohùn fifọ ni wípé yóò ran àwọn onígbàgbọ yòókù láti lè dúró ṣinṣin nínú ìgbàgbọ. Awọn ẹbùn yìí yóò fi ẹsẹ wọn múlẹ daradara. KỌRINTI KINNI 14:3  [3]Ṣugbọn ẹniti nsọtẹlẹ mba awọn enia sọrọ fun imuduro, ati igbiyanju, ati itunu.

Ọjọ́ Karùndínlógún (15), Ọjọ́ Ìsẹ́gun , Oṣù Kejì , Ọdún 2022   Lilo Ẹbùn Èmi Mimọ (4)   Tí a bá ti mọ ohun tí nkan kan wà fún, a ó mọ náà tí a bá n ṣe asilo rẹ. Ní àná, a ti sọ fún wa wípé ìdí tí Ọlọrun fi fún wa ní ẹbùn Èmi Mimọ gẹgẹ bí onigbagbọ tàbí gẹgẹ bí iransẹ rẹ ni wipe kí a lè fi jèrè ọkan awọn alaigbagbọ. Kókó tó ṣe pàtàkì nínú ẹkọ yìí ni èyí nítorípé kò sí bí èrò ṣe pọ tó nínú ìjọ wa, kò sí bí a ti ní orúkọ tó tàbí tí a jẹ ẹni tí gbogbo ènìyàn mọ nínú iṣẹ iransẹ, tí ifarahan èmi mimọ Ọlọrun àti àwọn ẹbùn rẹ kò bá mú ijere ọkan lọwọ, ofo lásán ni gbogbo rẹ jasi. Ìwàásù ìhìnrere ni pabambari agbára Ọlọrun. MAKU 16:15,17  [15]O si wi fun wọn pe, Ẹ lọ si gbogbo aiye, ki ẹ si ma wasu ihinrere fun gbogbo ẹda. [17]Àmi wọnyi ni yio si ma ba awọn ti o gbagbọ́ lọ; Li orukọ mi ni nwọn o ma lé awọn ẹmi èṣu jade; nwọn o si ma fi ède titun sọ̀rọ; Bẹẹ ni a rí káàkiri nínú ìwé ìṣe àwọn Aposteli. Ní gbogbo ìgbà tí agbára Ọlọrun bá farahàn, O máa n yọrí sí ijere ọkan ni. Lẹhin ìgba tí Pétérù ṣe ìmúláradá ọkùnrin amokun kan, o bẹrẹ sí ni wàásù ìhìnrere fún gbogbo àwọn tó pejọ níbẹ ni. ÌṢE ÀWỌN APOSTELI 3:12-13  [12]Nigbati Peteru si ri I, o dahùn wi fun awọn enia pe, Ẹnyin enia Israeli, ẽṣe ti ha fi nṣe nyin si eyi? Tabi ẽṣe ti ẹnyin fi tẹjumọ́ wa, bi ẹnipe agbara tabi iwa-mimọ́ wa li awa fi ṣe ti ọkunrin yi fi nrin? [13]Ọlọrun Abrahamu, ati ti Isaaki, ati ti Jakọbu, Ọlọrun awọn baba wa, on li o ti yìn Jesu Ọmọ rẹ̀ logo; ẹniti ẹnyin ti fi le wọn lọwọ, ti ẹnyin si sẹ́ niwaju Pilatu, nigbati o ti pinnu rẹ̀ lati da a silẹ. Filipi náà nkọ, lẹhin ìgba tí àwọn ènìyàn rí iṣẹ iransẹ, iṣẹ ìyanu tó ṣẹlẹ nínú iṣẹ iransẹ rẹ, wọn gbagbọ nínú Kristi. ÌṢE ÀWỌN APOSTELI 8:6  [6]Awọn ijọ enia si fi ọkàn kan fiyesi ohun ti Filippi nsọ, nigbati nwọn ngbọ́, ti nwọn si ri iṣẹ ami ti o nṣe. Lẹhin ìgba tí Pétérù mú Enea larada, awọn ènìyàn gbagbọ nínú ìhìnrere ti Kristi. […]

Ọjọ́ Kẹrinla (14), Ọjọ́ Ajé , Oṣù Kejì , Ọdún 2022   Lilo Ẹbùn Èmi Mimọ (3)   Ayorisi Wipe kí ènìyàn ní ẹbùn Èmi mimọ ṣugbọn kí irú ẹni bẹẹ má rìn nínú ìfẹ Ọlọrun ni wípé yóò ṣe asilo awọn ẹbùn náà. Kíni ìtumò asilo ẹbùn Èmi Mimọ ni wípé kí ènìyàn lo ẹbùn Èmi Mimọ ní ọnà tí kò bá ìfẹ Ọlọrun mu. O ní ìdí tí Ọlọrun fi fún onigbagbọ tabi iransẹ rẹ ni awọn ẹbùn èmi náà. Ohunkóhun tí Ọlọrun bá fún wa, o n retí wipe a o jèrè níbẹ, bí Ọlọrun ṣe máa n ṣe nkan tirẹ nìyẹn. Jésù ṣàlàyé èyí nínú òwe tó pa fún àwọn olùgbọ rẹ. MATIU 25:21,26  [21]Oluwa rẹ̀ wi fun u pe, O ṣeun, iwọ ọmọ-ọdọ rere ati olõtọ: iwọ ṣe olõtọ, ninu ohun diẹ, emi o mu ọ ṣe olori ohun pipọ: iwo bọ́ sinu ayọ̀ Oluwa rẹ. [26]Oluwa rẹ̀ si dahùn o wi fun u pe, Iwọ ọmọ-ọdọ buburu ati onilọra, iwọ mọ̀ pe emi nkore nibiti emi kò funrugbin si, emi si nṣà nibiti emi kò fẹ́ka si: Èyí ló n sọ fún wa wípé ohunkóhun bí ẹbùn Èmi tí Ọlọrun fún wa, o n retí ìkórè níbẹ. Èyí ni wípé a gbọdọ fi jèrè. Èyí kò yọ ẹbùn Èmi Mimọ silẹ rárá. Pọọlù náà ṣàpèjúwe eyi nínú lẹta rẹ sí àwọn ará Kọrinti. KỌRINTI KINNI 12:7  [7]Ṣugbọn a nfi ifihàn Ẹmí fun olukuluku enia lati fi jère. Tí a bá lo àwọn ẹbùn Èmi látí jẹ iṣẹ iransẹ fún àwọn alaigbagbọ, kíni èrè tí Ọlọrun n retí láti ibẹ? ÌṢE ÀWỌN APOSTELI 1:8  [8]Ṣugbọn ẹnyin ó gbà agbara, nigbati Ẹmí Mimọ́ ba bà le nyin: ẹ o si ma ṣe ẹlẹri mi ni Jerusalemu, ati ni gbogbo Judea, ati ni Samaria, ati titi de opin ilẹ aiye. Èyí n sọ wipe agbára tí a nsọ yìí ni ìdí rẹ tí Ọlọrun fi fún wa ni wipe ki a lè jèrè ọkan awọn alaigbagbọ nípa ìwàásù ìhìnrere ti Kristi. A rí èyí láti ibẹrẹ lojo Pentikosti. Lẹhin ìgba tí ẹbùn Èmi Mimọ bẹrẹ sí farahàn, ẹ jẹ kí a wo ìhà tí àwọn alaigbagbọ kọ si ifarahan agbára Ọlọrun nígbà náà. ÌṢE ÀWỌN APOSTELI 2:37  [37]Nigbati nwọn si gbọ́, ọkàn wọn gbọgbẹ, nwọn si sọ fun […]

Ọjọ́ Kẹtàlá (13), Ọjọ́ Àìkú , Oṣù Kejì , Ọdún 2022   Lilo Ẹbùn Èmi Mimọ (2)   Àsìse míràn tí ọpọlọpọ eniyan máa n ṣe ni wípé wọn máa n ro wipe ifarahan agbára Ọlọrun nínú ayé tàbí nínú iṣẹ iransẹ ẹnìkan túmọ̀sí wípé gbogbo ohunkóhun tí ẹni náà bá ṣe, a jẹ wípé Ọlọrun ti lọwọ sí àwọn nkan náà nìyẹn. Kò rí bẹẹ rárá. Ìwé Kọrinti ni ìwé tó kọ wa julọ nípa àwọn ẹbùn Èmi Mimọ. Nitorinà ẹ jẹ kí a tún ṣe ayẹwo awọn nkan tó n ṣẹlẹ láàrin wọn. Èmi Ọlọrun n farahàn láàrin wọn dé ibi wípé Gbogbo wọn ni wọn ní ifarahan awọn Ẹbùn Èmi nínú ayé àti ìṣe iransẹ wọn. KỌRINTI KINNI 14:26-27  [26]Njẹ ẽhatiṣe, ará? Nigbati ẹnyin pejọ pọ̀, ti olukuluku nyin ni psalmu kan, ẹkọ́ kan, ède kan, ifihàn kan, itumọ̀ kan. Ẹ mã ṣe ohun gbogbo lati gbe-ni-ro. [27]Bi ẹnikan ba fi ède fọ̀, ki o jẹ enia meji, tabi bi o pọ̀ tan, ki o jẹ mẹta, ati eyini li ọkọ̃kan; si jẹ ki ẹnikan gbufọ. Gbogbo wọn fẹ sọtẹlẹ, gbogbo wọn fèdèfọ̀, gbogbo wọn n ríran. Njẹ o túmọ sí wípé bóyá awọn ará Kọrinti yìí jẹ pípé julọ. Rárá àti rárá, kò rí bẹẹ. Láàrin wọn ni awọn ìwà búburú pọ sí jù. Ọpọlọpọ onígbàgbọ ni kiise àkíyèsí iru nkan bayii nítorípé a máa n ro wipe gbogbo ibi tí a bá ti rí ifarahan agbára Ọlọrun náà ni O yẹ kí a máa ṣe atẹle gbogbo ẹkọ wọn àti àwọn ìwà àti ìṣe wọn níbẹ. Fún àpẹẹrẹ, iyàn jíjà àti ìjà wà láàrin wọn. KỌRINTI KINNI 1:11  [11]Nitori a ti fihàn mi nipa tinyin, ará mi, lati ọdọ awọn ara ile Kloe, pe ìja mbẹ larin nyin. Awọn ìwà àgbèrè tí kò tilè ṣe fi ẹnu sọ wà láàrin wọn náà. KỌRINTI KINNI 5:1  [1]A nròhin rẹ̀ kalẹ pe, àgbere wà larin nyin, ati irú àgbere ti a kò tilẹ gburo rẹ̀ larin awọn Keferi, pe ẹnikan ninu nyin fẹ aya baba rẹ̀. Wọn tún n gbé ara wọn lọ sí ilé ẹjọ gan. KỌRINTI KINNI 6:1,5  [1]ẸNIKẸNI ninu nyin, ti o ni ọ̀ran kan si ẹnikeji rẹ̀, ha gbọdọ lọ pè e li ẹjọ niwaju awọn alaiṣõtọ, ki o má si jẹ niwaju awọn enia mimọ́? [5]Mo sọ eyi fun itiju nyin. O […]

Ọjọ́ Kejìlá (12), Ọjọ́ Àbámẹ́ta, Oṣù Kejì , Ọdún 2022   Lilo Ẹbùn Èmi Mimọ (1)   Ọ ṣeéṣe kí ènìyàn ní ẹbùn Èmi Mimọ Lai mọ ohunkóhun nípa rẹ. Kìíṣe ìmọ, ogbón tàbí nípa òye ni ẹbùn Èmi mimọ fi ní jẹyọ ninu ayé onigbagbọ. Fún gbogbo onigbagbọ ni ẹbùn Èmi Mimọ wà fún gẹgẹ bí Pèteru ṣe wàásù fún àwọn ènìyàn l’ojo Pentikosti. ÌṢE ÀWỌN APOSTELI 2:39  [39]Nitori fun nyin ni ileri na, ati fun awọn ọmọ nyin, ati fun gbogbo awọn ti o jìna rére, ani gbogbo awọn ti Oluwa Ọlọrun wa ó pè. Pàápàá jùlọ fún àwọn tí Ọlọrun ti pe fún iṣẹ iransẹ kan tàbí òmíràn. Ọlọrun máa n fi awọn ẹbùn ati agbára tó bá iṣẹ iransẹ náà mu fún àwọn tí o ti pe sí iṣẹ náà. KỌRINTI KINNI 12:28-29  [28]Ọlọrun si gbé awọn miran kalẹ ninu ijọ, ekini awọn aposteli, ekeji awọn woli, ẹkẹta awọn olukọni, lẹhinna iṣẹ iyanu, lẹhinna ẹ̀bun imularada, iranlọwọ, ẹbùn akoso, onirũru ède. [29]Gbogbo wọn ni iṣe aposteli bi? gbogbo wọn ni iṣe woli bi? gbogbo wọn ni iṣe olukọni bi? gbogbo wọn ni iṣe iṣẹ iyanu bi? Ṣugbọn wipe ènìyàn n rìn nínú agbára Ọlọrun kò sọ wípé ènìyàn ní òye rẹ rárá. Ohunkóhun tí ènìyàn bá ní, yálà nípa ti Èmi ni tàbí nípa ti ara, tí ènìyàn kò bá mọ nípa rẹ, yóò di asilo ni. Èyí máa n ṣẹlẹ lọpọlọpọ nínú iṣẹ iransẹ awọn miran. O ṣeéṣe kí ènìyàn lo agbára Ọlọrun fún ohun tí kò bá ìfẹ Ọlọrun mu. Tí a bá wo inú ìjọ Ọlọrun tó wà ní Kọrinti, irú èyí n ṣẹlẹ láàrin wọn gan ni lọpọlọpọ. Wọn ní ẹbùn Èmi Mimọ tó n farahàn gidigidi gani. KỌRINTI KINNI 1:7  [7]Tobẹ ti ẹnyin kò fi rẹ̀hin ninu ẹ̀bunkẹbun; ti ẹ si nreti ifarahàn Oluwa wa Jesu Kristi: Bẹẹni Pọọlù tún gbà wọn níyànjú láti ṣafẹri awọn ẹbùn Èmi síwájú si. KỌRINTI KINNI 14:1  [1]Ẹ mã lepa ifẹ, ki ẹ si mã fi itara ṣafẹri ẹ̀bun ti iṣe ti Ẹmí, ṣugbọn ki ẹ kuku le mã sọtẹlẹ. Ṣugbọn ohun tó jẹyọ láàrin wọn ni wípé wọn jẹ òpe nípa àwọn ohun tó niiṣe pẹlu ẹbùn Èmi Mimọ. KỌRINTI KINNI 12:1-2  [1]NJẸ niti ẹbun ẹmí, ará, emi kò fẹ ki ẹnyin ki o jẹ ope. [2]Ẹnyin mọ̀ pe nigbati ẹnyin jẹ Keferi, a fà nyin lọ sọdọ awọn odi oriṣa, lọnakọna ti a fa nyin. Ìgbà míràn wà tó jẹ wípé iriri ni awọn miran máa fi […]

Ọjọ́ Kọkànlá (11), Ọjọ́ Ẹtì , Oṣù Kejì , Ọdún 2022   Kí Ló N Ṣe Fún Ọlọrun? (7)   Gẹgẹ bíi Kristẹni, a máa n fẹ kí Ọlọrun jẹ Olotitọ sí ọrọ rẹ. Èyí Kiise ìṣòro fún Ọlọrun rárá nítorípé Olotitọ ni Ọlọrun, bẹẹ sì ni kìí yí ọrọ rẹ. KỌRINTI KINNI 1:9  [9]Olododo li Ọlọrun, nipasẹ ẹniti a pè nyin sinu ìdapọ Ọmọ rẹ̀ Jesu Kristi Oluwa wa. Èyí túmò sí wipe Ọlọrun kìí yí padà láti sọ wípé òun kò sọ bẹẹ mọ ní iwọn ìgbà ti Ọlọrun bá ti sọ nkankan nínú ọrọ rẹ. Nítorípé ìlérí Ọlọrun di ṣíṣe fún náà ni a ṣe máa n pèé ní olotitọ. LUKU 1:45  [45]Alabukun-fun si li ẹniti o gbagbọ́: nitori nkan wọnyi ti a ti sọ fun u lati ọdọ Oluwa wá yio ṣẹ. A lè ní igbẹkẹle wipe ọrọ Ọlọrun yóò di ṣíṣe. Njẹ Ọlọrun lè gbẹkẹle àwa náà nípa èyí wipe àwa náà yóò jẹ olotitọ sí ọrọ wa, ìlérí àti ìpinnu wa ninu iṣẹ Ọlọrun. Èyí ló yẹ kí a máa ro daradara gẹgẹ bí Onigbagbọ. Ìgbà míràn wà tó jẹ wípé tí a bá tí rí ìṣòro kan tàbí òmíràn, a máa n yí padà. Ko yẹ kó rí bẹẹ tí a bá ti ṣe ìpinnu wípé a fẹ jẹ olódodo ninu ọrọ rẹ. Ẹlòmíràn náà wà tó jẹ wípé Kiise ìṣòro ló máa n jẹ kí irú ẹni bẹẹ yípadà, alaafia àti irọrun ló máa n fa ti elomiran. Gẹgẹ bí onigbagbọ, jíjẹ olotitọ ṣe pàtàkì. ORIN DAFIDI 15:4  [4]Li oju ẹniti enia-kenia di gigàn; ṣugbọn a ma bu ọla fun awọn ti o bẹ̀ru Oluwa. Ẹniti o bura si ibi ara rẹ̀, ti kò si yipada. A gbọdọ mọ bí a ti n dúró ṣinṣin nítorí ojúṣe satani ni láti ri wipe a kò dúró ṣinṣin nínú ìgbàgbọ. O fẹ kí ẹsẹ wa yẹ kí a má lè tèsíwájú nínú iṣẹ ìwàásù ìhìnrere ti Kristi. Ọkan nínú àwọn ohun tó yẹ kí a ní lọkàn tí a bá fẹ dúró ṣinṣin ninu igbagbọ ni kí a mọ wipe Ọlọrun jẹ olotitọ, yóò sì san ẹsan fún wa nitori awọn ohun tí a n là kọja nítorí ìgbàgbọ wa àti nítorí iṣẹ ìwàásù ìhìnrere Kristi. KỌRINTI KINNI 15:58  [58]Nitorina ẹnyin ará mi olufẹ ẹ mã duro ṣinṣin, laiyẹsẹ, ki ẹ mã pọ̀ si i ni iṣẹ Oluwa nigbagbogbo, niwọn bi ẹnyin ti mọ̀ pe iṣẹ nyin kì iṣe asan ninu Oluwa. HEBERU 11:6  [6]Ṣugbọn li aisi igbagbọ́ ko ṣe iṣe lati wù u; nitori ẹniti o ba ntọ̀ Ọlọrun wá kò le ṣai gbagbọ́ pe […]

Ọjọ́ Kẹwàá (10), Ọjọ́bọ̀ , Oṣù Kejì , Ọdún 2022   Kí Ló N Ṣe Fún Ọlọrun? (6)   Njẹ gbogbo ènìyàn ní ìwàásù ọrọ Ọlọrun wà fún? Lootọ ojúṣe wa ni láti máa fi ádùrá ran àwọn iransẹ Ọlọrun lọwọ ṣugbọn njẹ èyí n tọkasi wipe a kò nilo láti darapọ mọ ìwàásù ìhìnrere? A tilẹ máa n gbọ nígbà míràn tó jẹ wípé àwon kan máa n sọ wípé àwon kò tíì gbọ ìpè láti bẹrẹ sí wàásù ìhìnrere Kristi. Irú ìpè wo ni wọn n dúró de? Ẹlòmíràn máa n ro wipe ní iwọn ìgbà tó jẹ wípé àwon ti n ṣe akọrin tàbí iṣẹ míràn nínú ìjọ Ọlọrun, O jẹ wípé Kiise dandan kí àwọn máa ṣe ìwàásù ìhìnrere nìyẹn. Gbogbo awọn nkan wọnyii, kò rí bẹẹ rárá. Tí a bá fẹ mọ irú ọwọ tí Jésù fí mú ìwàásù ìhìnrere, a o rí wipe nigbamiran wà tó jẹ wípé àwon tó ṣẹṣẹ pàdé rẹ gan, O lè rán wọn ní iṣẹ ìwàásù ìhìnrere. MAKU 5:19  [19]Ṣugbọn Jesu kò gbà fun u, ṣugbọn o wi fun u pe, Lọ si ile rẹ ki o si sọ fun awọn ará ile rẹ, bi Oluwa ti ṣe ohun nla fun ọ, ati bi o si ti ṣanu fun ọ. Njẹ Jesu tó sọ fún wa wípé ìkórè pọ náà ni yóò wá tún sọ fún wa wípé kí a má ṣe iyọnu lati má wàásù ìhìnrere ní iwọn ìgbà tó jẹ wípé àwon iṣẹ míràn wà tí a n ṣe nínú ìjọ Ọlọrun. MATIU 9:37-38  [37]Nigbana li o wi fun awọn ọmọ-ẹhin rẹ̀ pe, Lõtọ ni ikorè pọ̀, ṣugbọn awọn alagbaṣe ko to nkan; [38]Nitorina ẹ gbadura si Oluwa ikorè ki o le rán awọn alagbaṣe sinu ikorè rẹ̀. A tilẹ rí àpẹẹrẹ nínú Bíbélì, awọn tó jẹ wípé iṣẹ míràn ni a yan wọn fún nínú ìjọ ṣugbọn tó jẹ wípé wọn tèsíwájú láti máa jẹ olotitọ sí Ọlọrun nipasẹ ìwàásù ìhìnrere. ÌṢE ÀWỌN APOSTELI 6:5  [5]Ọ̀rọ na si tọ́ loju gbogbo ijọ: nwọn si yàn Stefanu, ọkunrin ti o kún fun igbagbọ́ ati fun Ẹmí Mimọ́, ati Filippi ati Prokoru, ati Nikanoru, ati Timoni, ati Parmena, ati Nikola alawọṣe Ju ara Antioku: Awọn tí a dárúkọ nínú ẹsẹ Bíbélì yìí jẹ́ àwọn tí a Yàn fún iṣẹ Diakoni láti máa pin ounjẹ láàrin àwọn ènìyàn nítorípé àwọn Àpọsítélì ló máa ni ṣe èyí télètélè nígbà náà. Lootọ wọn ní iṣẹ tí a […]

Ọjọ́ Kẹ̀sán (9), Ọjọ́rú , Oṣù Kejì , Ọdún 2022   Kí Ló N Ṣe Fún Ọlọrun? (5)   Njẹ Ẹ ní ojúṣe nínú ìjọ Ọlọrun bí? Ìbéèrè pàtàkì ni èyí jẹ. Lootọ nípa oore ọfẹ Kristi ni a fi gbà wá là ṣugbọn gẹgẹ bi ẹni tí a ti gbàla, àwa náà ní ojúṣe láti máa sìn Ọlọrun. Ní iwọn ìgbà tí ènìyàn bá ti di àtúnbí, ojúṣe ẹni tó ti di onígbàgbọ ni láti darapọ mọ ìjọ Ọlọrun. ÌṢE ÀWỌN APOSTELI 2:47  [47]Nwọn nyin Ọlọrun, nwọn si ni ojurere lọdọ enia gbogbo. Oluwa si nyàn kún wọn li ojojumọ awọn ti a ngbalà. Nínú ẹsẹ Bíbélì yìí, awọn tí a ti gbàla darapọ̀ mọ awọn onigbagbọ yóòku. Ibẹ ni wọn ti ní ọrẹ, ibẹ ni wọn ti n sin Ọlọrun papọ pẹlu awọn yòókù. Awọn tí a ṣe inúnibíni sí gan láàrin wọn, ibẹ ni wọn ti n gbàdúrà fún wọn, ibẹ náà ni àwọn Aposteli ti n ṣe wole-wode pẹlu awọn onigbagbọ yóòku. ÌṢE ÀWỌN APOSTELI 4:23  [23]Nigbati nwọn si jọwọ wọn lọwọ lọ, nwọn lọ sọdọ awọn ẹgbẹ wọn, nwọn si ròhin ohun gbogbo ti awọn olori alufa ati awọn agbàgba sọ fun wọn. Bíbélì gbà wá ní ìmọràn wípé a kò gbọdọ kọ ipejopo awọn ará silẹ. HEBERU 10:25  [25]Ki a má mã kọ ipejọpọ̀ ara wa silẹ, gẹgẹ bi àṣa awọn ẹlomiran; ṣugbọn ki a mã gbà ara ẹni niyanju: pẹlupẹlu bi ẹnyin ti ri pe ọjọ nì nsunmọ etile. Ẹnikẹni tó bá ti jẹ ẹyà ara Kristi ti ní ojúṣe nínú Kristi náà nìyẹn tàbí nínú ìjọ rẹ. Bó ṣe jẹ wípé kò sí ẹyà ara kan ti a ní tí kò ní ohun tó n ṣe, bẹẹ náà ni ẹyà ara Kristi jẹ. Nítorinaa gbogbo wa tí a jẹ ẹyà ara Kristi ni a ní iṣẹ iransẹ tí Jésù ti fún wa. EFESU 5:30  [30]Nitoripe awa li ẹ̀ya-ara rẹ̀, ati ti ẹran-ara rẹ̀, ati ti egungun ara rẹ̀. KỌRINTI KINNI 12:12  [12]Nitori gẹgẹ bi ara ti jẹ ọ̀kan, ti o si li ẹ̀ya pupọ, ṣugbọn ti gbogbo ẹ̀ya ara ti iṣe pupọ jẹ́ ara kan: bẹ̃ si ni Kristi pẹlu. Nitorinà a kò gbọdọ lásán nínú ìjo Ọlọrun, a gbọdọ máa sin Ọlọrun nípa nkan kan tàbí òmíràn nítorí Ọlọrun yóò fún wa ní èrè níbẹ. KỌRINTI KINNI 15:58  [58]Nitorina ẹnyin ará mi olufẹ ẹ mã duro ṣinṣin, laiyẹsẹ, ki ẹ mã pọ̀ si i ni iṣẹ Oluwa nigbagbogbo, niwọn bi ẹnyin ti mọ̀ pe iṣẹ nyin kì iṣe asan ninu Oluwa.